එකම වෙලාවෙ ඕනම Facebook Account ගණනකට එකම Web Browser එකෙන් login වෙන්නෙ මෙහෙමයි !

Facebook Notification නවත්තන විදිය ලිව්වට පස්සෙ මට හිතුනා තවත් ෆේස්බුක් Trick එකක් ගැන ඔයාලට ලියන්න ඕනෙ කියලා. මේ දවස් වල නං ගොඩක් දෙනෙකුට අනිවාර්යෙන් ෆේස්බුක් අකවුන්ට් 2ක් හරි ඊට වැඩි ගානක් හරි තියෙනවා. එහෙම නැත්තං එකම මැශින් එක දෙන්නෙක් හරි කීප දෙනෙක් හරි පාවිච්චි කරනවා. එතකොට ඉතිං සාමදානෙන් ෆේස්බුක් බෙදාගෙන චැට් පාරක් එහෙම දාන්න ඕනෙනේ. එක්කෙනෙක් ඉවර උනාම අනිත් එක්කෙනා. හිහී.. ඔය වැඩේදි ගොඩක් දෙනෙක් කරන්නෙ වෙනස් වෙනස් Web Browser දෙකක් පාවිච්චි කරන කරන එක. ඒත් ඒක වෙලාවකට ටිකක් කරදරයි. සමහරු web Browser දෙක තුනක් මැශින් එකට දාන්න කැමතිත් නෑ නෙ. මං මේ කියල දෙන්න යන්නෙ ඕන ෆේස්බුක් අකවුන්ට් ගානකට එක වැර එකම වෙබ් බ්‍රවුසරෙන් ලොගින් වෙන්නෙ කොහොමද කියලා. මෙන්න එහෙනම් සිස්ටම් ටික.

Google Chrome වල Incognito Mode එකෙන්

ඔය වැඩේට ගූගල් ක්‍රෝම් එකේ තියෙනවා ලේසි ක්‍රමයක්. ඒ තමයි Incognito කියන Mode එක. Private Mode එක කියලත් කියනවා. මේ ක්‍රමය පාවිච්චි වෙද්දි ක්‍රෝම් වල Cookies/History එහෙම සේව් වෙන්නෙ නෑ. ඔයාට පුලුවන් සාමාන්‍ය Chrome Mode එකෙන් එක ෆේස්බුක් එකකට ලොග් වෙලා, Incognito Mode එකෙන් තව ෆේස්බුක් එකකට ලොග් වෙන්න. හරිම ලේසී. Incognito Mode එක දාගන්න මං දීල තියෙන පිංතූරෙ විදියට කරන්න.

Internet Explorer වල Use New Session Option එකෙන්

වින්ඩොව්ස් වල Default එන Internet Explorer එකත් පාවිච්චි කරන අය ඉන්නවනේ. ඉතිං ඒ අයට තියෙනවා New Session කියන ක්‍රමය. කිසිම අමාරුවක් නෑ හරිම ලේසියි. ඔයාට ඕන තරම් Account ගානකට login වෙන්න පුලුවන්. ෆේස්බුක් විතරක් නෙවෙයි මේ ක්‍රමයෙන් වෙන Online Account ගොඩකට උනත් ලොගින් වෙන්න පුලුවන්. New Session එකක් දාගන්න කරන්න ඕනෙ Internet Explorer එක ඔන් කරගෙන Keyboard එකේ ALT යතුර ඔබන්න. එතකොට උඩ මෙනු එක පෙනෙයි. ඒකෙ File මෙනු එකට ගිහින් තියෙන New Session කියන එක ඔබන්න. එතකොට හරි.

FireFox වලට MultiFox Add-on එක දාගන්න

Firefox ඒ කියන්නෙ මගේ කැමතිම බ්‍රවුසරේ පාවිච්චි කරන යාලුවන්ට වැදගත් Add-on එකක් තියෙනවා ඔය වැඩේට. මාත් පාවිච්චි කරනවා. මේ ඇඩෝන් එක දාගත්තම ඔයාට පුලුවන් ඕන තරම් Online Account ගානකට Firefox වලින් log වෙන්න. Facebook/Gmail/Ymail වගේ ඕනම එකකට. කරන්න තියෙන්නෙ ඇඩෝන් එක දාගෙන Firefox Restart කරලා, Tab එකක රයිට් ක්ලික් කරලා Open in a New Identity Profile කියන එක ඔබන්න.

මෙතනින් Multifox අරගන්න